- 575 -

1427. Mai 14. Liegnitz.

Urtheilsspruch von Richter und Schöppen zu Liegnitz in Sachen zwischen Hannos Jacob und Hencze Tschesch.

Ich Gregor Tesschener richter czu Legnicz von der stat wegin vnd wir schepphin doselbist Niclas Elle, Hannus Girdan, George Cromschreiber, Pawil von der Heide, Andres Hokschar, George Hezeler vnd Allexius Poppelaw bekennen, daz vor vns in gehegtim dinge czu eyner czeit Hannos Jocob solde lantrecht tuen Henczen Tschesch vm dry mark, dorumme her en beclagit hatte vnd qwam nicht, do her das lant recht thun solde vnd vorbotte auch nicht, also daz orteil vnd recht hat gegebin, daz her syne sache vnd die vorgenanten pfennynge dirvordirt vnd dirlangit habe vnd daz man em pfande douor helffin solle vff jens helfferede; des czubentnisse habin wir desin briff gegebin dorobir vorsigilt mit vnsern ingesigiln, das ist gescheen in dem dinge an der mittewochen vor Cantate, noch gotis geburt towsund virhundirt jar in dem sebenvndczwenczigsten jare.

O. d. St. L. No. 319. Siegel verloren.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866